/Zawgyi – Unicode ဘာသုံးမလဲ

Zawgyi – Unicode ဘာသုံးမလဲ

Reading Time: 1 minute

ကျွန်တော်တို့ကတော့ ဘောက်ချာစုတ်တာကို ဝါသနာ မပါပေမယ့် ဘယ်လိုလုပ်ရင် ကိုယ့်ဆိုက်ကို အဆင်ပြေအောင်လုပ်ဖို့ဆိုရင် ဘာသုံးမလဲဆိုတာတော့ စဉ်းစားစရာလိုပါလိမ့်မယ်။ ကိုယ်ပိုင်လုပ်ငန်းရှင်တော်တော်များများ မြန်မာဘာသာစကားကို ရွေးချယ်မယ်ဆိုရင် ဇော်ဂျီ ယူနီကုဒ်ပြဿနာကို ရင်ဆိုင်ဘူးကြပါလိမ့်မယ်။

ဘာကိုသုံးပါ။ ဘာကောင်းပါဆိုတာကို မပြောပါဘူး။ ဘာ့ကြောင့် ဇော်ဂျီ၊ ဘာအတွက် ယူနီကုဒ်ဆိုတာကိုတော့အနည်းဆုံးပြောပြပါမယ်။

ဇော်ဂျီ

အားသာချက်။   ။ လက်ကွက်အဆင်ပြေတယ်။ လူတော်တော်များများဖတ်နိုင်တယ်။ ဖုန်းတွေမှာ တိုက်ရိုက်ကြည့်လို့ရတယ်။ ဖေ့ဘုတ်မှာတင်ထားရင်လည်း တမ်းဖတ်လို့ရတယ်။ အဆင်ပြေနေတာပဲ။

အားနည်းချက်။   ။ တကမ္ဘာလုံးက စက်တွေမှာ သိခြားပြင်ဆင်ထားမှုမရှိရင် ဖတ်လို့မရဘူး။ (နောက်ပိုင်းတော့ ထည့်ပေးထားတယ်ပြောတယ်)။ စက်နိမ့်နိမ့်မြင့်မြင့် ပြင်ရဆင်ရတာတွေရှိတယ်။ မလိုအပ်ပဲ အလုပ်လုပ်ရတာတွေရှိတယ်။ ကုဒ်တွေ မတည့်ဘူး။ စာလုံးမမှန်ဘူး။

ယူနီကုဒ်

အားသာချက်။  ။ အချက်အလက်စီတာမြန်တယ်။ လက်ကွက်ကျုံ့သွားတယ်။ တကမ္ဘာလုံးကြည့်လို့ရတယ်။ စာလည်းမှန်တယ်။ သိမ်းဆည်းမှုပိုင်းမှာကောင်းတယ်။

အားနည်းချက်။  ။ စဆရကတွေများတယ်။ ဇော်ဂျီသမားတွေဖတ်လို့မရဘူး။

အဲဒီလောက်ဆိုရင်တော့ လုံလောက်ပြီထင်ပါတယ်။

 

အဓိကက တိုက်ပွဲဝင်ရအောင် ကိုယ်ဟာ စစ်သူကြီး ဗန္ဓုလမဟုတ်သလို ကိုယ်စားရန်ဖြစ်ပေးရအောင် ကျွန်တော့် အဖေ တီထွင်ဖန်တီးထားတဲ့ အရာလည်းမဟုတ်ဘူးလေ။ Tool တစ်ခုကို Tool လိုပဲ သဘောထားလိုက်ရအောင်။

ဒါနဲ့ ကျွန်တော့်ဆိုက်မှာ ယူနီကုဒ်ထားပါတယ်။ ဘာမှမဟုတ်ပါဘူး။ ကြိုက်လို့ပါ။ အရင်က ဇော်ဂျီကို ကြိုက်ပါတယ်။ အခုတော့ ယူနီကုဒ်ကြိုက်ပါတယ်။ ဘာကြောင့်မှမဟုတ်ပါဘူး။ အကြိုက်ပြောင်းသွားလို့ပါ။

လက်ကွက်ကတော့ ဘိမ်မသာ လိမ်မသာ ဆိုတော့ သိပ်မကွာပါဘူး။ သိမ်းဆည်းတာကလည်း ကျွန်တော်လုပ်တာမဟုတ်။ သူတို့ဟာသူတို့လုပ်တာ ကျွန်တော်နဲ့မဆိုင်ဘူးလေ။ အဲဒီတော့ အဲဒါတွေက အဓိကမဟုတ်ပါဘူး။

စာလုံးအလှများတာတော့ ယူနီကုဒ်က များပါတယ်။ ဧရာလက်ကွက်လည်း စိတ်ပါရင်သုံးတဲ့ ကျွန်တော့်အတွက်တော့ အခက်အခဲ တစ်စုံတစ်ရာမရှိလှပါ။

ဇော်ဂျီကတော့ ဖုန်းတိုင်းမှာ နောက်ပိုင်းထည့်ပေးထားကြသလို လိုချင်တဲ့သူများအတွက် Windows မှာလည်း ပါလာပြီဆိုပဲ။

အဲဒီတော့ ယူနီကုဒ်ကို ဘယ်လိုရိုက်ရမလဲဆိုတာတော့ စဉ်းစားလာပြီလေ.. ရိုက်တာထက် ကိုယ့်ဆိုက်ကို လူတိုင်းဘယ်လိုဖတ်မလဲပေါ့။

ပြနည်းအစုံ နည်းအဖုံဖုံ

ပထမဆုံးနည်းကတော့ ယူနီကုဒ်နဲ့ တမ်းရိုက်တာပါပဲ။ ယူနီနဲ့တမ်းရိုက်ပြီး တမ်းပြတာကိုပဲလုပ်ပါတယ်။ burmese.dvb.no မှာ ယူနီကုဒ်နဲ့ရေးပြီး ဇော်ဂျီနဲ့ပြတာပါပဲ။ အဲဒါကို သိပ်မကြိုက်။ အလုပ်ရှုပ်တယ်ထင်မိပါတယ်။ ကျွန်တော်က အပင်ပန်းခံနိုင်မှုနဲ့ လူတွေအဆင်ပြေမှုကိုလိုလားတော့ ယူနီကုဒ်ကို တမ်းပြပါတယ်။

အဲဒီမှာ ဖောင့်အခက်အခဲရှိသူများကတော့ google fonts ကိုသုံးပြီးတော့ ပြလို့ရပါတယ်။ အဲဒီမှာ ဖောင့်တွေထည့်ထားလိုက်မယ်ဆိုရင် ကိုယ်ပြချင်တဲ့ဖောင့်ကို ရွေးပြလိုက်ရုံပါပဲ။ အဆင်ပြေပါတယ်။

အဲဒီတော့ Website မှာတော့အဆင်ပြေသွားပါပြီ။ mobile မှာရော ဆိုတော့. mobile အတွက် ကျွန်တော်တို့ဆိုက်က အဆင်ပြေပါတယ်​။ ဖတ်ရ အဆင်မပြေသူတွေအတွက် Mobile app ကိုလည်းထုတ်ပေးထားလိုက်ပါတယ်။ အဆင်ပြေသွားတာပါပဲ။

တတိယနည်းကတော့ ခေါင်းကိုက်လိုက်ပါတယ်။ instant articles ထဲမှာပါ။ အဲဒါကတော့ converter တစ်ခုကို သုံးလိုက်ပါတယ်။ ပြီးတော့ သွားပြင်ပြီး အဲဒီမှာ ဇော်ဂျီအနေနဲ့ထားလိုက်ပါတယ်။ ဒါမှရမှာကိုး။

အဲဒီတော့ ကိုယ်လုပ်ချင်တာလုပ်ပါ။ ကြည့်ချင်တဲ့သူက ကြည့်မှာပါပဲ။ ကိုယ်ဟာကိုယ် ဘာနဲ့ရေးရေး မကောင်းလို့ ညောင်းသွားခဲ့တဲ့ သာဓကလည်းရှိတော့ စိတ်ချမ်းသာသလိုသာနေပါလို့။

၂၀၀၆ ခုနှစ်တွင် တက္ကသိုလ်ဝင်တန်းအောင်မြင်ပြီး ၂၀၁၀ တွင် ရန်ကုန်ကွန်ပျူတာတက္ကသိုလ်မှ ကွန်ပျူတာသိပ္ပံ(ဂုဏ်ထူး) ဘွဲ့ဖြင့်အောင်မြင်ခဲ့ပါသည်။ ၂၀၁၁ ခုနှစ်မှစတင်၍ PHP, Laravel တို့ကို HTML5, CSS Developer အဖြစ်အသက်မွေးဝမ်းကြောင်းပြုခဲ့ပါသည်။ ၂၀၁၂ ခုနှစ်မစတင်၍ Lovely Family Host ကို စတင်တည်ထောင်ပြီး Web Design, Development နှင့် Server Administration တို့ကို စတင်ဆောင်ရွက်ခဲ့ပါသည်။ ယခုနောက်ဆုံးတွင် Lovely Family Host တွင် တည်ထောင်သူနှင့် ဦးဆောင်လှုပ်ရှားသူအဖြင့် လုပ်ကိုင်လျက်ရှိပါသည်။